Authorship and Contribution Policy

རྩོམ་པ་པོའི་བདག་དབང་དང་ཕན་འདེབས་འབད་མིའི་ལམ་ལུགས།

རྩོམ་ཤོག་ནང་བཀོད་ཡོད་པའི་ ནང་དོན་གྱི་འགན་ཁག་ཧྲིལ་བུམ་རྩོམ་པ་པོའམ་ རྩོམ་པ་པོ་ཚུ་གིས་འབག་དགོཔ་ལས་ རྩོམ་པ་པོའི་ཚད་གཞི་ཚང་མི་ མི་ངོམ་རྐྱངམ་གཅིག་ རྩོམ་ཤོག་ནང་རྩོམ་པ་པོ་སྦེ་ཐོ་བཀོད་འབད་དགོཔ་ཨིན། 

• དེ་ཡང་ཞིབ་འཚོལ་གྱི་འཆར་སྣང་། བཟོ་བཀོད། ལག་ལེན། གནད་སྡུད་བསྡུ་ལེན། ཡང་ཅིན་གནད་སྡུད་དབྱེ་དཔྱད་ཚུ་ནང་གལ་གནད་ཅན་གྱི་ཕན་འདེབས་ཡོད་མི་དང་།

• རྩོམ་ཤོག་ཟིན་བྲིས་བཏབ་ནི། ཡང་ཅིན་ཤེས་ཡོན་གྱི་ནང་དོན་གལ་ཅན་གྱི་དོན་ལུ་ དཔྱད་ཞིབ་ཅན་གྱི་བསྐྱར་ཞིབ་འབད་ཡོད་མི་དང་། 
• མཐའ་དཔྱད་རྩོམ་ཤོག་གཟིགས་རྟོག་འབད་དེ་ངོས་ལེན་དང་ པར་སྐྲུན་གྱི་དོན་ལུ་ངོ་སྦྱོར་འབད་ཡོདཔ།
• རྩོམ་ཤོག་གི་དོན་ལུ་ དཔེར་ན་ འཕྲུལ་ཆས་ཀྱི་གྲོགས་རམ་ བྲི་ནི་དང་ཞུན་དག་གི་རྒྱབ་སྐྱོར་དང་ སྤྱིར་བཏང་གི་ཆ་རོགས་ལ་སོགས་པའི་ ཕན་འདེབས་ཚུ་འབད་ཡོད་རུང་ རྩོམ་པ་པོའི་ཚད་གཞི་མ་ཚང་མི་ཚུ་ རྩོམ་པ་པོ་སྦེ་ཐོ་བཀོད་འབད་ནི་མི་འོང་། ཨིན་རུང་ མི་ངོམ་དེ་ལས་ཡིག་ཐོག་གི་གནང་བ་ལེན་ཏེ་ ངོ་སྦྱོར་གྱི་དོན་ཚན་ནང་ངོ་སྦྱོར་འབད་དགོ །
• གོང་གི་འགྲེལ་བཤད་དང་འཁྲིལ་ རྩོམ་པ་པོ་གཙོ་བོ་གིས་ འོས་འབབ་ཡོད་པའི་མཉམ་འབྲེལ་གྱི་རྩོམ་པ་པོ་ཚུ་མ་གཏོགས་ འོས་འབབ་མེད་པའི་མཉམ་འབྲེལ་གྱི་རྩོམ་པ་པོ་ཚུ་ཐོ་བཀོད་འབད་ནི་མི་འོང་། དེ་ཡང་མཉམ་འབྲེལ་རྩོམ་པ་པོ་ཚུ་གིས་ རྩོམ་ཤོག་དེ་བལྟ་ཞིནམ་ལས་པར་སྐྲུན་གྱི་དོན་ལུ་ཞལ་འཆམ་ཡོད་མེད་བདེན་དཔྱད་འབད་དགོ །