Conflict of Interest

ཁེ་ཕན་ལྟག་སྤྲོད་ཀྱི་སྲིད་བྱུས། 

རིག་མཛོད་དུས་དེབ་ཀྱི་དོན་ལུ་ རྩོམ་ཡིག་བསྐྱལ་བའི་སྐབས་ རྩོམ་པ་པོ་གིས་ ཁེ་ཕན་ལྟག་སྤྲོད་ཡོད་མེད་བརྡ་ལན་འབད་དགོཔ་ཨིནམ་ད་ ཁེ་ཕན་ལྟག་སྤྲོད་ཀྱི་སྲིད་བྱུས་དེ་ཡང་ རྩོམ་ཡིག་གཅིག་ཁར་པར་སྐྲུན་འབད་འོང་། གལ་སྲིད་ཞིབ་འཚོལ་དེ་ལུ་མ་དངུལ་གྱི་རྒྱབ་སྐྱོར་བྱིན་མི་ཡོད་རུང་ རྒྱབ་སྐྱོར་པ་དང་ཁེ་ཕན་ལྟག་སྤྲོད་མེད་པ་ཅིན་ “ཞིབ་འཚོལ་གྱི་བཟོ་བཀོད་དང་ གནད་སྡུད་བསྡུ་ལེན་ གྲུབ་འབྲས་ཀྱི་འགྲེལ་བརྗོད་ དེ་ལས་རྩོམ་ཡིག་ཚུ་ནང་ལུ་ ཤུགས་རྐྱེན་ག་ནི་ཡང་མེད་” ཟེར་བཀོད་དགོ། གལ་སྲིད་ཁེ་ཕན་ལྟག་སྤྲོད་མེད་པ་ཅིན་ རྩོམ་པ་པོ་གིས་ “དེ་ཚུ་ག་ནི་ཡང་མེད་པའི་ཁས་ལེན་” ཟེར་བཀོད་དགོ།

བསྐྱར་ཞིབ་པ་དང་ དོན་ཚན་ཞུན་དག་པ་ཚུ་གིས་ཡང་ རྩོམ་ཡིག་དང་ རྩོམ་པ་པོ་ ཕྱོགས་རིས་ འགྲན་ཟླའི་ཁེ་ཕན་ལྟག་སྤྲོད་དང་འབྲེལ་བའི་གནད་དོན་ཚུ་ ག་ནི་ཡང་མེད་པའི་སྐོར་ལས་བརྡ་ལན་འབད་དགོ།

 

པར་སྐྲུན་བདག་དབང་སྲིད་བྱུས། 

རྩོམ་ཡིག་གི་པར་དབང་དེ་ རྩོམ་པ་པོ་ལུ་གཞག་དགོཔ་ཨིན། ཨིན་རུང་ རྩོམ་ཡིག་དེ་ རིག་མཛོད་དུས་དེབ་ལུ་ གཟིགས་འབུལ་གྱི་དོན་ལུ་བསྐྱལ་ཞིནམ་ལས་ པར་དབང་དེ་ དུས་དེབ་ལུ་ཡོདཔ་མ་ཚད། རྩོམ་ཡིག་དེ་ གློག་རིག་ཡོངས་འབྲེལ་ཐོག་ལུ་ བཀྲམ་སྤེལ་འབད་དེ་ ག་ར་གིས་བལྟ་བཏུབ་བཟོ་ནི་གི་དབང་ཚད་འདི་ མི་སྡེ་ལུ་ཡོདཔ་ཨིན།

དུས་དེབ་ནང་ལུ་ པར་སྐྲུན་མ་འབད་བའི་ཧེ་མ་དང་ རྩོམ་ཡིག་གི་རྒྱུ་ཆ་དེ་ གློག་རིག་ཡོངས་འབྲེལ་ཚུ་གི་ནང་ལུ་ བཀྲམ་སྤེལ་འབད་ནི་མི་འོང་། པར་སྐྲུན་འབད་ནི་ངོས་ལེན་མེད་པའི་རྒྱུ་ཆ་ཡང་ བཀྲམ་སྤེལ་འབད་ནི་མི་འོང་། དུས་དེབ་ནང་ལུ་ པར་སྐྲུན་འབད་ཚར་བའི་ཤུལ་ལས་ རྩོམ་པ་པོ་གིས་ པར་སྐྲུན་པ་ལས་གནང་བ་ལེན་ཏེ་ བློ་འདོད་ལྟར་དུ་ ལག་ལེན་འཐབ་བཏུབ། ལག་ལེན་འཐབ་ཚུལ་གྱི་དཔེ་ཡང་ རྩོམ་ཡིག་འདི་ འགོ་དང་པ་རིག་མཛོད་དུས་དེབ་ནང་ལུ་ འཐོན་རིམ་་་ ཤོག་གྲངས་་་ དོན་ཚན་་་ འ་ནེ་གི་ཐོག་ལུ་ རིག་གཞུང་མཐོ་རིམ་སློབ་གྲྭའི་ ནང་ཆོས་ཞིབ་འཚོལ་ལྟེ་བ་གིས་ པར་སྐྲུན་འབད་ཡོདཔ་ཨིན་ཟེར་བཀོད་དགོ།

གལ་སྲིད་ གསར་འཐོན་རྩོམ་ཡིག་དེ་ ཀྲི་ཨི་ཊིཕ་ ཀོ་མན་ ལའི་སནས་(Creative Common License) ནང་ལུ་ ཐོ་བཀོད་འབད་དེ་ཡོད་པ་ཅིན་ རྩོམ་པ་པོ་གཞན་ག་ཨིན་རུང་ རྩོམ་པ་པོ་ངོ་མ་དང་ རིག་མཛོད་དུས་དེབ་ལུ་ཡང་ ཚུལ་མཐུན་གྱི་ངོ་སྦྱོར་ཞུ་དགོ།

ཆོག་ཐམ་གྱི་ལམ་ལུགས། 

རིག་མཛོད་དུས་དེབ་དེ་ https://creativecommons.org/licenses/by/4.0/  ཟེར་བའི་དྲ་ལམ་ཐོག་ལུ་ ཐོ་བཀོད་འབད་ཡོད་པའི་ གུ་ཡངས་དུས་དེབ་ཅིག་ཨིནམ་ལས་ རྩོམ་པ་པོ་དང་དུས་དེབ་ལས་  ངོས་སྦྱོར་ཚུལ་མཐུན་ཞུ་བའི་སྒོ་ལས་ ག་ར་གིས་རིན་མེད་སྟོང་པ་སྦེ་ ལྷག་ནི་དང་ ཕབ་ལེན་ འདྲ་བཤུས་ བཀྲམ་སྤེལ་ པར་སྐྲུན་ འཚོལ་ཞིབ་ཚུ་འབད་ཆོག་པ་མ་ཚད་ ཡང་ཅིན་ དུས་དེབ་ནང་ལུ་ཡོད་མི་ མ་དཔེ་ཆ་ཚང་གི་འབྲེལ་མཐུད་ (link) བྱིན་ཆོག།

དུས་དེབ་དེ་གཙོ་བོ་ར་ རྒྱལ་སྤྱིའི་ཐོག་ ཤེས་ཡོན་བརྗེ་སོར་འབད་ནིའི་དོན་ལུ་ རྩོམ་ཡིག་གི་དོན་ཚན་ཚུ་ ག་ར་གིས་རིན་མེད་སྟོང་པ་སྦེ་ དེ་འཕྲོ་ལས་ ཐོབ་ཚུགསཔ་སྦེ་བཟོ་ནིའི་དོན་ལུ་ཨིན།