འབྲུག་གི་བཟོ་རིག་བཅུ་གསུམ་གྱི་རྣམ་གྲངས་ལ་དཔྱདཔའི་གཏམ།

Abstract

བཅུད་དོན།

བཟོ་རིག་འདི་ འབྲུག་གི་ལམ་སྲོལ་དང་འབྲེལ་བའི་སྒྱུ་རྩལ་གལ་ཅན་ཅིག་ཨིན་རུང་ བཟོ་རིག་གི་རྣམ་གྲངས་རྩི་སྲོལ་ལུ་ མི་སྡེ་ནང་ལུ་གཅིག་མཚུངས་མེད་པའི་དཀའ་ངལ་ཅིག་སྦེ་ཆགས་ཏེ་འདུག། ཡིག་ཆ་ཚུ་དང་འཁྲིལཝ་ད་ རྣམ་གྲངས་རྩིས་ཐངས་མ་འདྲཝ་ལེ་ཤ་ཡོདཔ་ལས་ ཁུངས་བཙན་ཞིབ་འཚོལ་འདི་ནང་ ཆོས་འབྱུང་རྒྱལ་རབས་དང་འབྲེལ་བའི་རྩོམ་བྲིས་དང་ ཞལ་འཛོམས་གྲོས་བཅུད་ལ་སོགས་པ་ཚད་ལྡན་གྱི་ཡིག་ཆ་ཚུ་ལུ་ཁུངས་གཏུགས་ཏེ་  འབྲུག་གི་བཟོ་རིག་གི་འབྱུང་ཁུངས་དང་ རྣམ་གྲངས་ལུ་དབྱེ་དཔྱད་འབད་དེ་ཡོད། ཞིབ་འཚོལ་གྱི་གནས་སྡུད་དབྱེ་དཔྱད་དང་འཁྲིལ་བ་ཅིན་ རྒྱལ་ཁབ་ནང་ལུ་ བཟོ་རིག་གི་རིག་རྩལ་འདི་ ནང་ཆོས་མ་དར་བའི་ཧེ་མ་མོན་ཡུལ་སྦེ་གནས་པའི་དུས་སྐབས་ལས་རང་ཡོད་པའི་ཁར་ དུས་རབས་བདུན་པ་ལས་ཡར་དྲག་སོང་ཡོདཔ་མ་ཚད་ དམིགས་ལས་གྱིས་ རྒྱལ་སྲས་བསྟན་འཛིན་རབ་རྒྱས་ཀྱི་སྐབས་ལུ་ བཟོ་རིག་གི་བསྟན་པ་རྒྱ་ཆེ་དྲག་སྦེ་དར་ཁྱབ་འགྱོ་ནུག། དེ་བཟུམ་སྦེ་ དེའི་སྐབས་ལུ་བཟོ་རིག་གི་རྣམ་གྲངས་བརྩིས་སྲོལ་ཚུ་ཡོད་རུང་ བཟོ་རིག་བཅུ་གསུམ་ངོས་འཛིན་གནང་ཡོད་པའི་ལོ་རྒྱུས་མ་གསལཝ་ལས་ གནད་དོན་འདི་གི་ཐོག་ལུ་དཔྱད་ཞིབ་འབད་མི་འདི་གིས་ དུས་མཐུན་གྱི་རྣམ་གྲངས་གསལ་སྟོན་འབད་ནི་ལུ་ལྷན་ཐབས་འབདཝ་མ་ཚད་ རྒྱལ་ཁབ་ཀྱི་ལམ་སྲོལ་གལ་གནད་ཅན་ཅིག་ཨིན་པའི་བདེན་ཁུངས་གཟང་ཚུགས།

གཙོ་ཚིག། བཟོ་རིག། བཅུ་གསུམ། རྐང་གྲངས། རྣམ་གྲངས། སྒྱུ་རྩལ།