འབྲུག་ཏུ་སྙན་ངག་འཆད་ཉན་ཇི་ལྟར་དར་བའི་ལོ་རྒྱུས།

Abstract

བཅུད་དོན།

སྤྱིར་བཏང་སྙན་ངག་ནི་འཆད་རྩོད་རྩོམ་གསུམ་ལ་མེད་དུ་མི་རུང་བའི་རིག་པའི་གནས་གལ་ཅན་ཞིག་ཡིན་པ་ལ་བརྟེན་ནས་རྒྱ་གར་དང་བོད་དུ་མ་ཟད་འབྲུག་ཏུ་ཡང་འཆད་ཉན་གྱི་བསྟན་པ་དར་ཡོད་ཀྱང་འབྲུག་ཏུ་འཆད་ཉན་བསྟན་པ་ཇི་ལྟར་དར་བའི་ལོ་རྒྱུས་དེ་སྙན་ངག་སློབ་སྦྱོང་པ་དང་སློབ་སྟོན་པ་རྣམས་ཀྱིས་ཁ་གསལ་མ་ཤེས་པའི་དཀའ་ངལ་གྱིས་ཞིབ་འཇུག་བྱེད་དགོས་པའི་གནད་དོན་ཞིག་ཏུ་གྱུར་ཡོད། གྲགས་སྲོལ་ལྟར་འབྲུག་ཏུ་སྔོན་བོན་གྱི་བསྟན་པ་དར་བའི་སྐབས་སྙན་ངག་འཆད་ཉན་བྱུང་བའི་ལོ་རྒྱུས་མེད་ཀྱང་ནང་ཆོས་ཀྱི་བསྟན་པ་དར་བའི་སྐབས་སྙན་ངག་འཆད་ཉན་དར་བའི་ལོ་རྒྱུས་རྣམས་གོང་གི་དཀའ་ངལ་དེ་བསལ་ཐབས་སུ་དམིགས་ཏེ་ཁུངས་བཙུན་ཐབས་ལམ་ལག་ལེན་གྱིས་སྒོ་ནས་གཙོ་བོ་སྔོན་གྱི་རྒྱལ་རབས། ཆོས་འབྱུང་དང་རྣམ་ཐར་སོགས་འབྲེལ་ཡོད་ཀྱི་ཡིག་ཆ་ཁུངས་གཏུགས་དང་རིམ་སྒྲིག་ཆ་ཙམ་གྱི་དྲིས་ལན་ཐོག་དབྱེ་དཔྱད་བྱས་ཡོད། དབྱེ་དཔྱད་ཀྱི་གྲུབ་འབྲས་དང་བསྟུན་ན་འབྲུག་ཏུ་སྙན་ངག་འཆད་ཉན་དེ་ཡང་ཐོག་མར་ཀུན་མཁྱེན་ཀློང་ཆེན་རབ་འབྱམས་ཀྱིས་བུམ་ཐང་མཐར་པ་གླིང་དུ་གནང་ཡོད་པའི་ལོ་རྒྱུས་དང་འཆད་ཉན་གཉིས་པ་ཞབས་དྲུང་ངག་དབང་རྣམ་རྒྱལ། འཆད་ཉན་གསུམ་པ་སྡེ་སྲིད་དགུ་པ་ངག་དབང་རྒྱ་མཚོ་མཆོག་གིས་གནང་བ་ནས་བཟུང་འཆད་ཉན་གྱི་བསྟན་པ་ཤུགས་ཆེ་རུ་དར་ཡོད་པའི་ལོ་རྒྱུས་དེས་སྤྱིར་འབྲུག་གི་རིག་གཞུང་དང་ལྷག་པར་དུ་སྙན་ངག་སློབ་སྟོན་པ་དང་སློབ་སྦྱོང་པ་རྣམས་ལ་ཕན་ཐོག་པའི་རེ་སྨོན་ལགས་སོ། །

གཙོ་ཚིག། སྙན་ངག། འབྲུག། རིག་གཞུང་། རིག་གནས། འཆད་ཉན།